Estrada  xonandaligi –bu  ommaviy  musiqiy madaniyatda alohida o‘rin tutgan va keng  auditoriyani  qamrab  olgan  vokal  ijro  usulidir.  Estrada  xonandaligi  o‘ziga  xos texnikalar,  ijro  uslublari  va  sahnadagi  san’atni  birlashtirgan  musiqiy  janr  sifatida shakllangan. U bugungi kunda nafaqat musiqa, balki ijtimoiy va madaniy jarayonlarda ham muhim rol o‘ynaydi. Estrada   musiqasi   XIX   asrning   oxirlarida   va   XX   asrning   boshlarida   rivojlana boshladi.  Xonandalar  sahnada  jonli  ijro  etishar,  musiqiy  asarlar  orqali  tinglovchilar  bilan o‘z hissiyotlarini bo‘lishar edi. Dastlab, estrada xonandaligi teatr va kino san’ati bilan chambarchas  bog‘liq  bo‘lib,  ular  orasida  o‘zaro  ta’sirlar  mavjud  edi.  Musiqaning rivojlanishi va yangi texnologiyalarning paydo bo‘lishi natijasida estrada xonandaligi ham o‘zgarib, turli janrlar va uslublarni o‘z ichiga oldi.XX asrning o‘rtalariga kelib, estrada xonandaligi ommaviy madaniyatning ajralmas qismiga  aylandi.  Ayniqsa,  pop-musiqa  va  rok-janrlarining  ommalashishi  xonandalarning sahnada o‘zlarini ifoda etish  usullarini  yangiladi.  Xonandalar  nafaqat  vokal  mahoratiga, balki sahna harakatlari, plastika va muloqotga ham katta e’tibor berishdi.

Bugungi  kunda  estrada  xonandaligi  zamonaviy  texnologiyalar,  globalizatsiya  va raqamli platformalar yordamida yangi bosqichga o‘tdi. Xonandalar  musiqiy  kariyeralarini faqat sahnada emas, balki ijtimoiy tarmoqlar,  YouTube va boshqa  raqamli platformalarda ham  davom  ettiradilar.  Bu  yangi  avlod  estrada  xonandalariga  o‘z  iste’dodlarini  keng auditoriyaga tanitish imkoniyatini yaratadi.Shuningdek, global musiqiy madaniyat va yoshlarning yangi ta’minotlari estrada xonandalarini  yangi  va  ijodiy  izlanishlarga  undaydi.  Ularning  sahnadagi  imiji,  musiqa kliplari   va   ijtimoiy   faoliyatlari   zamonaviy   pop-madaniyatni   shakllantiruvchi   asosiy omillardan biridir. Estrada  xonandaligi  bugungi  kunda  nafaqat  musiqa,  balki  madaniyat,  moda  va ijtimoiy jarayonlarning ajralmas qismiga aylangan. Estrada xonandalarining texnikasi, ijro uslubi  vasahnadagi  harakatlari  zamonaviy  san’atni  tashkil  qiladi.  Xonandalar  nafaqat ovozini, balki o‘z hissiyotlarini va his-tuyg‘ularini ifoda etib, tinglovchilar bilan bevosita aloqada  bo‘ladilar.  Estrada  xonandaligi  musiqa  san’atining  rivojlanishiga  katta  ta’sir ko‘rsatishda davom etadi.